Aktori i njohur i humorit, Bes Kallaku, ka trazuar rrjetet sociale me një postim të bërë ditën e sotme, duke nxitur dyshime se mund të ketë nisur një lidhje të re dashurie pas ndarjes nga këngëtarja Xhensila Myrtezaj.

Bes Kallaku ka publikuar një Instastory ku shfaq tatuazhin e tij më të ri, të realizuar në dorë, ku bie në sy emri “Ejona” i shoqëruar me datën 25.12.2025. Në tatuazh lexohet edhe fraza:
“Ejona 25.12.2025 – Trëndafil në kohë lufte”.

Megjithatë, aktori nuk ka dhënë asnjë sqarim se kush është Ejona dhe çfarë simbolizon ajo në jetën e tij personale, duke e lënë postimin pa asnjë koment shtesë.

Në imazh shfaqet dora e Besit së bashku me dorën e një vajze, ndërsa në sfond dëgjohet kënga “Do të të dua përgjithmonë”, zgjedhje që ka shtuar edhe më shumë aludimet për një histori të re dashurie.

Kujtojmë se Bes Kallaku i ka dhënë fund martesës disavjeçare me Xhensila Myrtezaj, një ndarje që u komentua gjerësisht në publik. Nëse “Ejona” është partnerja e tij e re apo thjesht një simbol me domethënie personale, mbetet ende mister.