Niko Kovac ka vendosur një rregull që nuk do tu pëlqejë aspak futbollistëve. Ai u ka ndaluar përdorimin e telefonave lojtarëve të tij jashtë dhomës së zhveshjes në qendrën stërvitore “Säbener Straße”.
Vendimi është në fuqi për të gjitha ambientet rezidenciale, mensë, palestër dhe dhomat e masazhimit. Kroati e vendosi një rregull të tillë që në ditët e para të stërvitjes dhe kur disa prej lojtarëve nuk e morën shumë seriozisht, trajneri e ripërsëriti vendimin e tij edhe dy javë pas uljes në stol dhe kërcënoi se në rast mosbindjeje do të kishte sanksione.