Në ndeshjen që mbylli javën e 26-të të Serie A, Fiorentina ka barazuar 2-2 kundër Torino. Fiorentina e mbylli pjesën e parë në avantazh të dy golave, por në pjesën e dytë, ekipi i Mihajloviç barazoi gjithçka me dy golat e Belotit, i cili humbi edhe një 11 metërsh para se të shënonte dopietën e mbrëmjes.  Mbrojtësi shqiptar, Arlind Ajeti u hodh në fushë si titullar, por u zëvendësua në pushimin e ndeshjes pas performacës së tij jo bindëse. 

Lestër Siti ka arritur të mposhtë me rezultatin 3-1 në shtëpi Liverpulin në ndeshjen e vlefshme për javën e 26 të Premier Ligës. Ky ishte takimi i parë i “dhelprave” pas shkarkimit nga drejtimit të trajnerit që i shpalli kampionë të Anglisë në sezonin e shkuar, Klaudio Ranieri. Do të ishte Jamie Vardy, ai që do të shënonte i pari, ndërkohë që vetëm pas shënimit të golit të dytë nga Drinkëater, skuadra do të rifitonte sigurinë dhe do të merrte kontrollin e lojës. Ndërkohë që pjesa e parë u mbyll me “Dhelprat” në një avantazh me 2 gola, në pjesën e dytë do të ishte sërish Vardy ai që do të realizonte me kokë golin e tretë, duke siguruar kështu edhe tre pikë shumë të vlefshme për skuadrën. Liverpuli reagoi shumë vonë, duke patur mundësi që të shënonin vetëm një golë, me anë te Coutinoh.