Prej disa kohësh në media është diskutuar shumë mungesa e gjatë e Flori Mumajesit në skenë. Që prej fitores së festivalit ‘Kënga Magjike’, ai ‘u zhduk’ nga ekrani dhe nuk publikoi më këngë të reja. Kjo mungesë e Florit është ndjerë edhe tek fansat e tij, të cilët nuk lënë rast pa u interesuar për kantautorin.

Postimi i tij i fundit në Instagram është bërë më 8 prill dhe të gjithëve na kanë munguar projektet e tij muzikore.

Ditën e djeshme Flori kishte ditëlindjen dhe mbushi 37 vjeç. Ai mori urime të shumta në këtë ditë kaq të veçantë dhe fansat po prisnin që më në fund të reagonte. Mirëpo as në ditën e ditëlindjes Flori nuk solli asnjë postim të ri dhe nuk u bë aktiv.

Burime nga portali "Albeu" kanë zbuluar të vërtetën që qëndron pas zhdukjes së këngëtarit. Pas kontaktimit me miq të afërt të Florit, është bërë e ditur që ai momentalisht ndodhet në Novergji. Arsyeja e këtij udhëtimi është shumë private dhe nuk lidhet me anën profesionale.