Aktorja dhe moderatorja, Jonida Vokshi ka zhvilluar së fundmi një intervistë virtuale me ndjekësit ku ka zbuluar më shumë detaje rreth jetës dhe marrëdhënies me partnerin Besnik Krapi. Duke iu përgjigjur interesit të ndjekësve, Jonida ka publikuar një fotografi duke treguar se si ka qenë e vogël.

Nëpërmjet një tjetër fotoje ajo ka treguar se si dukej kur ishte 8 vjeç. Një tjetër e ka pyetur për foton e parë që ka realizuar me Besnikun. Ajo ka ndarë një foto ndërsa tregon se është gjatë darkës ku Besniku e kishte ftuar për herë të parë. Kujtojmë që Jonida dhe Besniku janë prindër të një vajze.