Artistja bukuroshe ka performuar dje në kryeqytetin bullgar në një event të shumëpritur nga publiku vendas. Pas reklamave në gjithë qytetin që lajmëronin ardhjen e një këngëtareje me famë ndërkomëbtare, i takonte publikut në mbrëmjen e madhe për të mos zhgënjyer pritshmëritë. Dhe ashtu ndodhi! Vendi dukej i mbushur plot dhe sapo Era u ngjit në skenë publiku shpërtheu në brohorima, për t’i dhënë një pritje shumë të ngrohtë. Ndaj saj nuk mbeti indiferente as bukuroshja 22 vjeçare, e cila pasi postoi videon, bëri të qartë në mbishkrim se sa shumë i pëlqeu pritja që Sofia i dedikoi asaj. Ky është vetëm hapi i radhës që vërteton se Era e ka nisur rrugën e saj drejt yjeve. Në pritje për realizimin më të ri, që të ngrejë dhe më lart se ç’bëri supermega-hiti “Bonbon”.