Iggy Azalea ju rikthye përdorimit të rrjeteve sociale dhe me anë të një posteri të veçantë, zbuloi se do sjellë shumë shpejt albumin më të ri të saj. Ky projekt duket se do të jetë një mënyrë që reperja të rrëfejë të vërtetat e saj në lidhje me gjithçka ka kaluar së fundmi. “In my defense” (në mbrojtje të vetes) është quajtur albumi në fjalë dhe në ‘cover’ Iggy shfaqet e gjakosur teksa qëndron e mbështetur pas një makine.

Sigurisht pas publikimit të fotos, të gjithë kanë nisur të pyesin pse kjo zgjedhje dhe vetë reperja ka dhënë përgjigje në ‘Twitter’. “Ky album i dedikohet femrave që nuk kanë fuqinë që të mbrojnë veten nga ofendimet publike dhe nuk përballen me to. Femrave nuk u janë dhënë shanse të barabarta që të dëgjohen, prandaj nuk i përballojnë dot gjykimet”,-shkruan ajo.

Kujtojmë se për disa javë, Azalea ‘u zhduk’ nga rrjetet sociale dhe vëmendja mediatike duke i habitur të gjithë. Ajo pati shumë probleme me ofendimet online pas publikimit të disa fotove ku shfaqej e zhveshur.