PannaCotta është ëmbëlsira e famshme italiane perfekt për stinën e verës. Edhe ju mund ta shijoni në shtëpitë tuaja për vetëm 10 minuta.

PËRBËRËSIT
7 fletë xhelatinë
400 ml qumësht
600 ml krem qumështi
1/3 e filxhanit të çajit, sheqer
2 vanilje
Shurup sipas dëshirës suaj, mjaltë ose reçel. Unë do ju sugjeroja të përdornit manaferrat

PËRGATITJA:
Hedhim fletët e xhelatinës në një enë më ujë të ftohtë dhe i lëmë derisa të zbuten.
Ne një tenxhere hedhim qumështin, kremin e qumështit, sheqerin dhe vaniljen. I përziejmë mirë dhe i lëmë të ziejnë në temperaturë të ulët.
Sapo të fillojë të ziej përzierja e largojmë nga zjarri.
Shtrydhim xhelatinën dhe e hedhim të përzierja e mësipërme. Përziejmë mirë derisa të krijohet një masë homogjene.
Menjëherë pasi të jetë ftohur pak kremi e hedhim në enën që dëshirojmë të marri formë, pasi ta kemi lyer enën më shurupin që zgjodhëm.
Lëreni pannacotta-ën në frigoriferë, të ngrijë.