Sot, dihet që inovacioni është kryefjala e tregut botëror dhe të qënurit në të njëjtin hap me kohën është mjaft e rëndësishme. Në “Santiago Bernabeu” stadiumi gjigand i Real Madridi-t mesa duket e ka tepruar pak me teknologjitë e saj të fundit.

Madrilenët kanë vendosur që tifozat e tyre, të mos humbasin as edhe një minutë nga ndeshja dhe për këtë zgjidhja ideale ishte vendosja e disa ekraneve në tualet, pikërisht në vendet ku meshkujt urinojnë.

Një video e publikuar nga e përditshmja spanjolle AS tregon ekranet, ku shfaqet logoja e Real Madridit dhe më pas një video ku u tregohet tifozëve ku duhet të shënjestrojnë për të çuar urinën. Mjaft fantastike apo jo?