Është publikuar para pak orësh kënga më e re e realizuar nga këngëtarja 20 vjeçare. Era tashmë e ka bërë zakon që të vijë rregullisht me diçka ndryshe dhe nuk i ka zhgënjyer pritshmëritë as këtë herë. Ajo rikthehet me stilin e saj shumë të veçantë, në një klip që këtë herë është zhvilluar i gjithi oneshot, pra pa ndërprerje nga fillimi në fund. “Bonbon” vjen si alternim i shumë rrymave, në të cilin artistja bukuroshe të jep përshtypjen se bën rap, na bën të kërcejme si dhe përcjell një gjendje deri diku hipnotizuese. Për t’i rënë shkurt, Era na bëri edhe një herë për vete me dëgjim të parë.