Para 1 jave u diskutua plani i ri i presidentit të FIFA për të zhvilluar në Qershor, Botërorin e Klubeve. Një kompeticion, i cili kishte përfitime shumë të mëdha ekonomike, por UEFA dhe Shoqata Europiane e Klubeve, me në krye presidentin e Juventusi-t, Andrea Agnelli e kanë refuzuar idenë.

Ata mendojnë se ky projekt i kreut të FIFA-s do të sillte sforcim të tepërt për lojtarët. Një shoqatë ka ofruar 25 milairdë për menaxhimin e projektit dhe tashmë Gianni Infantino duhet të presi muajin Mars, ku plani do prezantohet sërish përpara Këshillit Administrativ dhe ndoshta ata mund të mendohen dy herë për përfitimet e mëdha financiare që mund të sjellë ky projekt.