Ndarja nga jeta e Hueyda El Saied ka trishtuar jo vetëm miqtë dhe ata që e njohën nga afër por tërë publikun shqiptar.
Padyshim ata që mungesën e saj e ndjejnë më së shumti janë i biri, Gabrieli dhe bashkëshorti i saj, Thiery.
Së fundmi pas disa javësh nga kjo humbje e vështirë ka folur ky i fundit duke rrëfyer sëmundjen dhe vështirësitë e kaluara.
Ai tregoi se vetë Hueyda kishte zgjedhur që ta luftonte sëmundjen, pa e bërë publike, që njerëzit të mos ndienin keqardhje.
“Mësuam për sëmundjen e saj përpara një viti e gjysmë, në korrik të 2019. Ishte zgjedhja e Huejdës ta mbante këtë sekret. Të gjithë e dinë që ajo ishte shumë e fortë dhe nuk donte që ne të ndjenim keqardhje. Edhe donte ta bënte këtë luftë e vetme”, tregoi Thierry.
I prekur, ai tregoi se i biri, Gabrieli, ka ditur dhe ka kuptuar gjithçka.
“Ne nuk i kemi fshehur asgjë Gabrielit, siç mund t’i flasësh një djali vetëm 6 vjeç. Ne i flisnim atij përpara çdo procesi dhe ishte i informuar në brendësi të situatës. Ne kishim shpresë deri ditën e fundit se ajo do të shpëtonte”, u shpreh i përlotur Thierry për “ABC e Mëngjesit”.
Megjithatë, ai shtoi se Gabrieli ishte edhe më i fortë se ai, ndonëse e gjithë situata është një makth.
“Është sërish një makth këtu nga ana ime. Por do të qendroj i fortë, Gabrieli është më i fortë se unë. Duhet të qendrojmë të fortë për Hueydën”, tha ai.