Teksa Ferma VIP 3 po i afrohet finales së madhe dhe gara mes fermerëve po bëhet gjithnjë e më e fortë, një vendim i papritur ka ndryshuar rrjedhën e lojës.

Pak çaste përpara nisjes së spektaklit, u bë e ditur se Sorgini nuk do të vazhdojë më rrugëtimin në fermë. Lajmi iu komunikua banorëve nga Arbana Osmani, e cila sqaroi se largimi erdhi si pasojë e shkeljes së rregullores së formatit.

Sipas njoftimit, konkurrenti kishte tentuar të merrte informacione nga jashtë, veprim që bie ndesh me rregullat e programit dhe sjell përjashtim të menjëhershëm.

Vendimi surprizoi fermerët, të cilët reaguan me keqardhje për largimin e tij, duke i uruar njëkohësisht suksese në vazhdim. Me vetëm dy javë të mbetura deri në finale, gara vijon tashmë me një konkurrent më pak në shtëpi.