Nga ana tjetër, Federata e Zvicrës e konfirmoi lajmin, por shtoi se trajneri ka folur me disa futbollistë, përfshirë Behramin dhe Blerim Xhemailin. Zvicra është në prag të një revolucioni sepse të prekur nga vendimi i trajnerit Petkoviç janë edhe lojtarët e tjerë si Johan Djourou, Gelson Fernandes dhe kapiteni Stephan Lichtsteiner.

Pas vendimit të përjashtimit të Behrami-t ka reaguar në facebook edhe mesfushori kosovar i Arsenal-it, Granit Xhaka. “Djema, krejt çka mund të ju them është faleminderit. Ishit ikonat e ekipit të Zvicrës. Kemi shumë kujtime, dhe jemi shokë përjetë”, ka shkruar Xhaka.