Edhe njëherë ai sapo vërtetoi se është reperi më i mirë shqiptar. Madje as vetë nuk e kishte besuar se do të mblidheshin aq shumë persona aty. 30 vjeçari u surprizua kur pa që në shesh të mblidheshin aq shumë njerëz saqë nuk dallohej dot vija ndarëse me fundin e tyre. Në videot e postuara edhe nga vetë kryetari i Bashkisë, Erion Veliaj, kuptohet që ishte një shifër rekord. Por ka qenë vetë drejtoresha e Bashkisë  ajo që i ka dhënë shifrën e  saktë reperit në mesazh. “Mund të them pa frikë 100.000 persona”, ka shkruar ajo. Kjo e ka bërë Noizyn të ndihet krenar ndaj edhe e ka postuar bisedën për ta ndarë edhe me ndjekësit e tij.  /intv.al/