Pas shumë e shumë hiteve ku u ka kënduar dashurisë dhe shumë temave të tjera, këtë herë Mozzik ka vendosur të këndojë për një temë shumë delikate, kancerin. Padyshim sëmundja më e keqe në botë, e cila nga dita në ditë, po merr shumë jetë njerëzish, dhe fushatës sensibilizuese për të, i është bashkuar edhe reperi i talentuar. Ai është bërë një nga emrat më të kërkuar në treg brenda një periudhe të shkurtër, dhe me “Kancer” mundohet të përçojë një mesazh të madh, pikërisht “Mos dorëzimin” edhe pse gjatë jetës shijojmë kënaqësitë sikundër ballafaqohemi me sfidat që jeta na sjell. Por e rëndësishmë është që t’i sfidojmë ato me buzëqeshje.

Ashtu siç ka njoftuar më parë, për këtë projekt i cili është publikuar vetëm me tekst, Mozzik është inspiruar nga kënga “Quand C’est?” e Stromae.