Ajo është një nga reperet më të famshme në botë, këngët e të cilës numërojnë me miliona shikime në mediet sociale dhe gjithashtu ajo ka me miliona fansa në të gjithë botën. Në një përiudhë shumë të shkurtër Cardi u bë ndër më të preferuarat për të gjithë dëgjuesit në botë dhe së fundmi ka qenë në qendër të vëmendjes pas një sherri me Nicki Minaj.

Por Cardi B mesa duket e paska punën mirë me shqiptarët dhe pasi realizoi setin fotografik për klipin “Taki TAKI, me shqiptarin Albert Marashi, duket se sërish Cardi B ka zgjedhur një tjetër bashkëkombas tonin!

Klepto, reperi shqiptar që është pjesë e TBA-së (grupi i Unnikatilit), ka marrë pjesë në xhirimet e klipit të reperes amerikane. Ka qënë vetë reperi, i cili ka bërë të ditur lajmin e mirë për fansat e tij në “Instagram”. Ende nuk është zbuluar se cili është roli i tij gjatë klipit, por mund të jetë një ogur i mirë për karrierën e tij jashtë Shqipërisë.