Bearti dhe Tea nuk janë më bashkë dhe këtë e ka konfirmuar vetë Bearti. Në një prononcim për Express Rose ai ka deklaruar se zërat për ndarje mes tyre janë të vërteta, por nuk ka preferuar të shtojë asnjë gjë tjetër.

Gjithçka nisi në ditëlindjen e Teas, të cilën ata vendosën ta festojnë në Stamboll.

Por me anë të disa postimeve, Tea pohoi se nuk e kishte festuar ditëlindjen dhe se nuk ndihej e lumtur. Më pas ata të dy e fshinë njëri tjetrin nga instagrami, por ajo që u bëri përshtypje fansave, është fakti që ata kanë fshirë të gjitha fotot e përbashkëta në instagram me përjashtim të atyre ku i shohim duke bërë reklamë.

Se çfarë ndodhi në të vërtetë asnjë prej tyre nuk e ka treguar, por mesa duket ndarja është plotësisht e vërtetë.

E ndërsa Bearti e ka pohuar një lajm të tillë, Tea ende nuk ka reaguar, përveçse me statuse të trishta dhe fshirje fotosh nga instagrami.