Familjarë, miq dhe bashkëpunëtorë janë mbledhur sot në Pallatin e Kulturës në Tetovë për t’i dhënë lamtumirën e fundit këngëtarit të ndjerë, Shpat Kasapi. Mes dhimbjes së papërshkrueshme, motra e tij, Jehona, ka mbajtur një fjalim që ka përlotur të gjithë sallën. Ajo e përshkroi të vëllain si një njeri me zemër të madhe, i cili e kishte buzëqeshjen sinonim të tij.

Por momenti më i fortë ishte zotimi i saj publik ndaj nipit të vogël, Roelit. Jehona theksoi me vendosmëri se amanetin e Shpatit për djalin e tij do ta kryejë ajo.

''Sot me zemër të thyer jemi mbledhur për t’i dhënë lamtumirën e fundit vëllait tim, është shumë e vështirë për të përshkruar fjalët për të përshkruar dhimbjet që ndiej.

Shpat, shpirti i motrës, ti linde me yll në ballë, ishe një njeri i mirë, dije t’i ndieje hallet nga empatia jote e madhe. Ishe një njeri i mirë me zemër të bardhë dhe fisnik.

Shpati, ti i doje shumë fëmijët dhe pleqtë. Doje shumë të qeshësh, buzëqeshja ishte sinonim i yti. Është e rëndë të pranojmë se nuk do dëgjojmë zërin tënd, por ti do të mbetesh gjithmonë në zemrën. Ti do të mbetesh dritë në familjen tonë. Amanetin tëndë Roelin, do ta shoh si sytë e ballit.'',  u shpreh ajo mes lotësh.