Irani ka befasuar Marokun pasi e mposhti me rezultatin minimal 0-1. Sfida ishte mjaft e luftuar në fushë, ndërsa Maroku ishte dukshëm dominues në kontrollin e topit, ndonëse asnjë nga skuadrat nuk arriti të krijojë aksione rrjedhëse e të rrezikshme.
Ishte Maroku që e nisi mirë ndeshjen duke rrezikuar portën kundërshtare në disa momente, por është treguar i pasaktë. Por në gjysmën e dytë të pjesës së parë ishte Irani që më në fund u fut në lojë duke prodhuar disa raste të mira për gol që nuk i shfrytëzon siç duhet.
Por duhej të vinte minuta 95 që Irani të shënonte për të siguruar 3 pikë të arta.
Avantazhi erdhi falë një autogoli të shënuar në sekondat e fundit të ndeshjes nga sulmuesi Bouhadaouz. Ky takim ishte i vlefshëm për Grupin B, ku bëjnë pjesë edhe Spanja me Portugalinë.