Amos Zaharia i ftuar mesditën e sotme në Shqipëria Live foli për eksperiencën e tij brenda shtëpisë së Big Brother VIP Albania. Ai tha se e nisi me dëshirë por se kur pa mënyrën e lojës që u zhvillua aty, vendosi të tërhiqej.

I pyetur nga moderatorja Erjona Rusi se kush e fitonte çmimin e madh, Amos u përgjigj:

“Besoj se sovrani ka folur, nuk e di se çfarë do të ndodhë më vonë, por me këtë pëlqyeshmëri të madhe që ka nga publiku Luizi, besoj ai fiton,” tha Amosi.

Për sa i përket çiftit Luiz-Kiara, Amosi u shpreh se këngëtari është më i përfshirë ndërsa për sa i përket Kiarës ka ende dyshime.