Policia vijon monitorimet dhe patrullimet me përzgjedhje, në segmentet rrugore ku evidentohen shkelje të rregullave të qarkullimit rrugor, që janë burim i shtuar rreziku për aksidente rrugore. Policia publikon rastet evidentuara dhe kërkon më shumë kujdes nga drejtuesve të mjeteve.

“KUJDES!Pamjet që do shihni, janë të rrezikshme dhe nuk duhet në asnjë mënyrë të manifestohen gjatë drejtimit të mjetit, pasi nga kjo kategori, shumë qytetarë, rrezikojnë jetën e tyre për shkak të papërgjegjshmërisë, pakujdesisë, luksit të automjetit apo “Trimërisë” që karakterizon këta drejtues mjetesh që me sjelljen dhe veprimet e tyre gjatë drejtimit të mjetit, janë as më pak as më shumë, por “vrasës të sigurisë së jetës në rrugë” dhe njëkohësisht, modeli më i shëmtuar për sjelljen në raport me automjetin, rrugën, dhe sigurinë e përbashkët, për të cilën duhet mund dhe investim nga të gjithë ne, për ta përmirësuar dhe jo për ta rrënuar me skena të tilla që gjenerojnë pasiguri apo më shumë se kaq”, shkruan policia, bashkëngjitur videos.