Një virus në formën e mesazhit, po qarkullon ditët e fundit në celularët Iphone, ku thuhet se Apple Id juaj do të skadojë. Virusi kërkon nga përdoruesit që të klikojnë në një link, dhe përmes tij dikush tenton të vjedhë llogarinë tuaj dhe fjalëkalimin.

Janë të shumtë përdoruesit e iPhone që kanë filluar të ankohen për këtë virus. Apple asnjëherë nuk ka kontaktuar me klientët e saj për t’u treguar se llogaria e tyre do të skadojë, ndaj mos e klikoni një mesazh të tillë.