Një kapitull i ri i rëndësishëm po hapet në karrierën e Alis Kallaçit. Këngëtari është shpallur fitues i Festivalit të 64-t të Këngës në RTSH, duke siguruar kështu të drejtën për të përfaqësuar Shqipërinë në Eurovision 2026.

Pas suksesit të vitit të kaluar, ku u rendit i treti në Fest 63 me këngën “Mjegull”, Kallaçi u rikthye këtë vit në skenën e festivalit me një baladë shumë personale dhe emocionale "Nan" e cila preku jurinë dhe publikun, duke e çuar drejt fitores së madhe.

Fitorja në Fest 64 e vendos Alis Kallaçin përpara një tjetër prove të rëndësishme: skënën e Eurovision-it 2026, ku ai do të mbajë mbi supe jo vetëm këngën fituese, por edhe pritshmëritë e publikut shqiptar.

Me stilin e tij të veçantë, zërin emocional dhe qasjen autentike artistike, Alis Kallaçi pritet të jetë një nga përfaqësuesit më të komentuar të Shqipërisë në arenën europiane të muzikës.