Ka nisur zyrtarisht mbrëmja e parë e edicionit të pestë të “Big Brother VIP”. Një nga formatet televizive më të ndjekura, i cili premton emocione të forta, debate të zjarrta, rrëfime personale, skandale, incidente dhe histori dashurie. Në shtëpinë e “BBV” gjithçka është e mundur dhe surprizat sapo kanë filluar!

Shtëpia më e famshme televizive shqiptare Big Brother VIP Albania hap dyert për edicionin e pestë! Banorët që hynë sot premtojnë spektakël, rivalitet dhe momente të papritura.

Në këtë sezon, konkurrentët janë një përzierje e figura të njohura nga muzika, moda, rrjetet sociale dhe televizioni, dhe secili ka stilin dhe karakterin e vet unik.

Banorët që hyn sot:
Armir Shahini – Këngëtar i West Side Family, i njohur për energjinë e tij në skenë dhe batutat.

Brikena Selmani – Modelja kosovare dhe përfaqësuese e Miss Grand International 2025, një prej figurave më elegante të sezonit.

Kristi Lamaj – Këngëtari karizmatik i këngëve popullore.

Ilir Vrenozi – Figurë e njohur e rrjeteve sociale, me humor dhe karakter të fortë.

Lore (Lorela Karoshi) – Këngëtare që premton stil, personalitet dhe momente muzikore.

Sabina Mete – Moderatore, e njohur në fushën e sportit.

Stine – Artist i përfolur që ka sjell hite prej vitesh, një emër që premton intrigë dhe emocion.

Anxhelo Haruni – Moderator i njohur i Top News, që do ta shohim në një tjetër këndvështrim.

Seno Fishta – Podcaster dhe influencer, me aftësi të forta komunikimi.

Mal Retkoceri – Këngëtar i njohur për audiencën e re me stilin e veçantë.

Lorna Hysa – këngëtare shqiptare, ka konkurruar në një prej spektakleve të njohur të talenteve në Gjermani. Lorna është gjithashtu modele dhe influencer.

Xhodi Skura – Aktore dhe këngëtare, ka konkurruar në The Voice ku është eliminuar tek betejat dhe ka punuar për disa vite si aktore tek “Al Pazar”.

Selin Bollati – Balerina e njohur, që do ta shohim përtej profesionit që e ka bërë të njohur.

Armir Tola – Sipërmarrësi që premton debat dhe momente surprize.