Dhjetë persona të armatosur kanë hyrë në shtëpin e këngëtares Loredana Zefi dhe i kanë vjedhur sendet me vlerë. Lajmin e ka dhënë vetë këngëtarja në rrjetet sociale, e cila ka zbuluar se ata kanë vjedhur para, hard drive të kameramanit të saj si dhe një send personal.

Përmes disa ‘Instastory-ve’ në Instagram, Loredana tregon me pamje momentin që hajdutët kanë hyrë brenda. Ajo ju ka bërë thirrje ndjekësve të saj se nëse kanë informacion në lidhje me këtë ngjarje ta ndihmojnë, që të gjejë sendin personal që i kanë vjedhur.

“10 burra hyn në shtëpinë tonë me armë. Nuk mund ta besoj, unë vetë isha në gjumë. Nëse keni ndonjë informacion ju lutem na tregoni, nuk bëhet fjalë për paratë, por për një send shumë personal të timin që ma vodhën. Falë Zotit, familjes dhe skuadrës time nuk i ndodhi asgjë. Fatkeqësisht, hajdutët vodhën gjithë hard drive e kamermanit tonë. Dje e kuptova se çdo ditë duhet të jesh falenderues për gjërat që ke. Ne ishim në shtëpi…”, shkruan Loredana.