Këngëtarja Dafina Zeqiri ka reaguar sërish në rrjetet sociale, duke ngritur zërin kundër bullizmit dhe në mbrojtje të personave me aftësi të ndryshme. Së fundmi, ajo ka shpërndarë një postim nga llogaria e Stenaldo Mëhillit, ish-banorit të “Big Brother VIP Albania”, ku bëhet thirrje për ndalimin e çdo forme bullizmi.

Krahas këtij postimi, Dafina ka shtuar edhe një reagim të fortë në Instastory, ku ka kritikuar ashpër Rogert Sterkajn. Artistja e ka cilësuar atë si “mashkullin” shqiptar më të urryer, duke shprehur hapur indinjatën për deklaratat e tij të mëparshme ndaj Mëhillit, të cilat lidhen me akuza për viktimizim dhe sjellje të padrejta.

Edhe pse dinamika mes ish-banorëve i përket një periudhe të kaluar të programit, reagimi i Dafinës tregon se ajo vazhdon të mbajë një qëndrim aktiv ndaj çështjeve sociale, duke përdorur platformën e saj për të sensibilizuar publikun.