Këngëtari i njohur shqiptar, Blero Muharremi, ka hyrë në një kapitull të ri të jetës së tij personale, duke kurorëzuar lidhjen me partneren e tij, Eronita, me martesë.

Çifti ka zgjedhur ta festojë këtë moment të veçantë në një ceremoni private, të organizuar në prani të familjarëve, miqve dhe rrethit të ngushtë shoqëror. Nga pamjet e publikuara në rrjetet sociale, vërehet një ambient tepër elegant dhe i kuruar me detaje.

Kjo martesë shënon herën e tretë që Blero kurorëzon dashurinë e tij. Më herët, ai ka qenë i martuar me aktoren Teuta Krasniqi, me të cilën ka një vajzë. Pas kësaj, këngëtari u martua me Afrona Dikën, martesë që përfundoi pas disa vitesh.

Martesa me Eronitën përfaqëson një fillim të ri për artistin, ndërsa ndjekësit dhe fansat e tij kanë reaguar me urime të shumta, duke i dëshiruar çiftit dashuri, harmoni dhe lumturi në rrugëtimin e tyre të përbashkët.