Këngëtarja amerikane Kelis ka akuzuar Beyonce për “vjedhje”, duke pretenduar se superylli nuk ka “integritet” apo “shpirt” pasi publikoi një këngë të saj pa miratimin e saj.

Albumi i ri i Beyonce, “Renaissance” u publikua për gëzimin e madh të fansave të këngëtares, të cilët munguan në diskografi për gjashtë vite të tëra. Mirëpo, lajmi i mirë pati edhe një reagim të papritur nga Kelis.

Kënga në fjalë për të cilën akuzohet Beyoncé është kënga e pestë e albumit e quajtur ‘Energy’ dhe është një këngë nga Kelis, e cila u përfshi në albumin e saj ‘Kaleidascope’. Shkrimtarët e këngëve të listuara në këngët e albumit të Beyoncé janë Pharrell Williams dhe Chad Hugo nga Neptunes, por jo Kelis.

Këngëtarja shkroi në Instagram për të shprehur zhgënjimin dhe reagimin e saj.

“Jam e shokuar sepse niveli i mungesës së respektit dhe injorancës së plotë nga të tre palët e përfshira është befasues. E kam dëgjuar si gjithë të tjerët. Asgjë nuk është kurrë siç duket. Disa nga njerëzit në këtë industri nuk kanë shpirt apo integritet dhe i kanë mashtruar të gjithë”, shkroi ajo.

Kelis sqaroi gjithashtu se problemi i saj i vërtetë nuk është me Beyoncé, por me Pharrell Williams dhe Hugo që e “mashtruan”për të drejtën e autorit.

“Farrell e di më mirë. Ky është një hit i menjëhershëm për mua. Realiteti është se ky është zhgënjyes. Unë kam të drejtë të zhgënjehem”, tha ajo.

Me një video të dytë në Instagram, Kelis ka bërë të ditur se do të luftojë për atë që është e saj dhe do të kërkojë dëmshpërblim.

“Unë do të marr atë që është e imja dhe dua kompensim”, tha ajo.