Fitorja e tij ndaj McGregor në UFC 229 e ngriti Khabib Nurmagomedov në majat e atletikës botërore dhe mediat nuk pushojnë së foluri rreth tij dhe jetës private.

Kampioni i peshave të lehta me deklaratën e tij të fundit nuk mund të mos bënte bujë. Teksa e kemi parë duke u fotografuar me C.Ronaldon dhe Messin, të gjithë mund të mendoni se atleti ka njërën prej të dy të preferuar, por e vërteta është krejt e kundërt.

Ai është shprehur se në të vërtetë admiron sulmuesin e Liverpooli-t, Muhamed Salah. “E ndjek, por nuk jemi takuar asnjëherë. Është lojtar i madh dhe një shembull, na duhen njerëz si ai. Gjenerata e re ka nevojë të mësojë nga përulësia e Salah” - u shpreh Nurmagomedov.