Bashkëshortja e MC Kresha, Erzina, ka folur për herë të parë pas diskutimeve që u krijuan në rrjet lidhur me takimin televiziv të reperit me ish-partneren e tij, Rozana Radi.

E ftuar në emisionin “Prive By Liberta Spahiu”, në rubrikën “Koment për Koment”, ajo u shpreh se e gjithë situata është marrë me qetësi dhe humor, pa krijuar asnjë tension në marrëdhënien e tyre.

Sipas Erzinës, takimi i MC Kreshës me Rozanën nuk ka qenë aspak problem për të, duke e konsideruar si një pjesë normale të dinamikës mediatike të reperit. Ajo madje u shpreh se ai shpesh di të krijojë situata që tërheqin vëmendjen e publikut.

Ajo tregoi gjithashtu se e kishte mbështetur plotësisht pjesëmarrjen e bashkëshortit në emisionin “Goca dhe Gra”, duke theksuar se nuk sheh asnjë arsye për t’u shqetësuar nga këto dalje televizive.

Gjatë intervistës u përmend edhe fakti që Rozana Radi ka filluar të ndjekë markën e saj “Meraki”, gjë që Erzina e komentoi pozitivisht, duke theksuar se mes tyre nuk ka vend për rivalitet apo tension, por vetëm respekt si gra të pavarura.