Arti është një nga komponentët që jo vetëm kënaq këdo, por bashkon dhe kombet. Një event i tillë është mbajtur në Tiranë. 4 të rinj nga Shqipëria, Kosova, Maqedonia dhe Mali i Zi kanë mbajtur një koncert me titullin Fqinjët.

Koncerti pianistik u ndoq nga shumë dashamirës të artit. 4 artistët e rinj krijuan sinergji artistike për të evidentuar vlerat kombëtare dhe ato europiane. Ata luajtën disa pjesë nga kompozitorë shumë të njohur shqiptarë dhe ndërkombëtarë. Që nga Mozarti, Beethoven deri dhe tek Tonin Arapi dhe Rafet Rudi.