Policia e Tiranës ka arrestuar një person të shpallur në kërkim për plagosje të rëndë me dashje.

Arrestimi i 30-vjeçarit me inicialet E. A, banues në Sarandë u bë pas telefonatës së bërë nga qytetarët.

“Forcat “Shqiponja” në DVP Tiranë, me marrjen e njoftimit nga numri unik 112 për një të kërkuar, organizuan punën duke bërë të mundur në rrugën “George Ë. Bush”, kapjen e shtetasit E. A., 30 vjeç, banues në Sarandë. Ky shtetas ishte person i shpallur në kërkim nga Komisariati i Policisë Vlorë, pasi Gjykata e Shkallës së Parë Sarandë, ka caktuar masën e sigurisë “Arrest në burg” për veprat penale “Plagosja e rëndë me dashje kryer në bashkëpunim” dhe “Prodhimi dhe mbajtja pa leje e armëve të ftohta”, njofton policia.

30 vjecari akuzohet se në datën 19.12.2016, rreth orës 14:40, në lagjen Nr. 1 Sarandë, në bashkëpunim me vëllanë e tij, kanë qëlluar me sende të forta (shkop bejsbolli) dhe mjete të mprehta (thikë), shtetasin Xh. H., duke i shkaktuar dëmtime të rënda në trup.