INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Alarmi gjerman. Korrupsioni dhe kapja e shtetit po rrisin pabarazinë në Ballkan

Alarmi gjerman. Korrupsioni dhe kapja e shtetit po rrisin pabarazinë në Ballkan

Publikuar më: 09:20 22-05-2018

Fondacionit Gjerman, Friedrich Ebert ngre alarmin për rritjen e korrupsionit dhe kapjes së shtetit në vendet e Ballkanit perëndimor. Në studimin “Pabarazia në Europën Juglindore , Friedrich Ebert, sheh me shqetësim të madh rritjen e pabarazisë në Ballkan. Por ndryshe nga sa ndodh në vendet e zhvilluara që kjo pabarazi rritet për shkak të zhvillimeve teknologjike dhe pagesat e larta për një numër të caktuar njerëzit, në Ballkan këtë pabarazi po e rrit korrupsioni.
Friedrich Ebert:
“Edhe pse rrënjët e çështjeve të pabarazisë janë të shumëllojshme, duket se ka indikacione të mjaftueshme që pabarazia në Rajon nuk u rrit për shkak të pagesave më të larta të inovacionit, zhvillimit të sipërmarrjes apo aftësive si në ekonomitë e përparuara, por për shkak të korrupsionit të përhapur, kapjes së shtetit dhe dështimit të politikave zhvillimore”.
Studimi sugjeron se, më shumë se shumë se kurrë, fajtorët që kanë krijuar pabarazinë në rajon duhet të duhet të ndëshkohen me urgjencë në mënyrë që të mos ndikojnë më tej në përkeqësimin e prosperitetit.
Për shkak të mjedisit të varfër social-ekonomik, vendet anembanë rajonit po përjetojnë tendenca thelbësore të emigrimit dhe një humbje të kapital njerëzor, i cili do të ketë efekt të dëmshëm në ekonomitë e tyre, thotë studimi.
Për pasojë shtetet e Ballkanit po përballen me një mori sfidash në procesin e demokratizimit dhe tranzicionit ekonomik. Rajoni karakterizohet me rritje të ngadaltë ekonomike dhe performancë e dobët të tregut të punës, e cila zakonisht i atribuohet faktorëve si konkurrenca e ulët dhe mjedisi jo i favorshëm i biznesit, sisteme joadekuate arsimore dhe politika të dobëta të punësimit.
Në studimin e fundit të fondacionit gjerman Friedrich Ebert, mungesa e efikasitetit të institucioneve dhe korrupsioni sistematik kanë çuar në përkeqësimin e besimit në institucionet politike. Institucionet në Rajon kanë krijuar përshtypjen se po shtrembërojnë burimet ndaj grupeve specifike të interesit. Korrupsioni dhe qeverisja e dobët kanë kontribuar në paaftësinë e qeverive që të gjenerojnë politika që të mund të ndihmojnë në uljen e pabarazisë.

Article Logic
Execution time: 0.026979923248291