'A je pendu?' A është kënga e fundit e Dafinës një dedikim për ish-in e saj, Dj Geek? [FOTO]

Publikuar më: 18:28 25-04-2020

Këngëtarja e njohur, Dafina Zeqiri ka zgjedhur që me anë të disa postimeve në ‘Instagram’ të tregojë një pjesë të projektit të saj të ri muzikor.

“A je pendu” dhe “Unë e di që ty t’mundon” janë dy nga pjesët e tekstit që artistja ka zbuluar në fotot e saj të fundit, ku dallohet skluptura e Dafinës. Nuk dihet nëse ky projekt do të jetë një baladë dashurie apo një këngë me ritëm, megjithatë fansat janë shumë kureshtarë nëse e gjitha kjo lidhet me ndarjen nga Dj Geek.

Vetë Dafina nuk ka shtuar asnjë detaj tjetër, megjithatë disa ditë më parë ajo pohoi se për mirëqënien e grupit të punës, zgjodhi t’i jepte fund lidhjes romantike me Dj Geek.

Dyshja e konfirmoi lidhjen e dashurisë disa muaj më parë me anë të videove dhe fotove të ndryshme, por pas këtij momenti gjithçka u ndërpre.