A keni pyetur veten se pse disa njerëz arrijnë të jenë gjithmonë të lumtur dhe në mënyrë shumë të natyrshme.
Ja cilat janë gjërat që nuk bëjnë njerëzit e lumtur:
1. Ata nuk rrinë tërë ditën para internetit
Njerëzit e lumtur arrijnë ta menaxhojnë kohën e tyre në mënyrën sa më optimale. Këtu përfshihet edhe koha që ata shpenzojnë në internet, duke lexuar emailet, lajmet apo duke komunikuar në rrjetet sociale. Dhe njërëzit e lumtur nuk e teprojnë me internetin dhe nuk jetojnë në realitet virtual.
2. Ata nuk harrojnë të bëjnë pushime
Pushimet janë tejet të rëndësishme për të rikuperuar forcat dhe energjitë për punën. Njerëzit që janë të lumtur i vlerësojnë pushimet dhe nuk i lanë ato pas dore dhe as nuk i shpenzojnë pushimet e tyre në punë.
3. Ata nuk shoqërohen me qaramanët dhe dembelët
Njerëzit e lumtur e duan punën, e duan optimizmin dhe këmbënguljen, prandaj ata mundohen të shmangin nga shoqëria e tyre njerëzit që vetëm ankohen e qahen nga jeta apo njerëzit dembelë që nuk ju pëlqen puna.
4. Ata nuk krijojnë panik kur gjërat nuk shkojnë mirë
Njerëzit e lumtur janë optimistë dhe analistë nga natyra dhe në situatat e vështira për ta apo kur përballen me një problem ata mundohen të analizojnë situatën dhe nuk i kap paniku. Ata nuk e marrin situatën e keqe si personale për ta dhe nuk panikojnë duke menduar të keqen. Kapen tek e mira dhe analizojnë me gjakftohtësi rrugëzgjidhjet e mundshme nga situata.
5. Ata vlerësojnë çfarë kanë nuk e krahasojnë veten e tyre me të tjerët
Të krahasosh vetën me të tjerët duke parë tek ta vetëm anët pozitive nuk është aspak mirë për gjendjen shpirtërore të njeriut. Prandaj njerëzit e lumtur e vlerësojnë atë çka kanë në jetë dhe nuk bëjnë krahasime me të tjerët.
6. Ata nuk harrojnë të falenderojnë dhe të gëzohen për të tjerët
Njerëzit e lumtur janë në përgjithësi shumë të shoqërueshëm e të komunikueshëm. Ata ndihen mirë kur dikush arrin diçka dhe gëzohen dhe e urojnë atë. Gjithashtu ata janë mirënjohës dhe dinë të falenderojnë ata që i kanë ndihmuar!
8 May 2024 
