Të gjithë na kujtohet momenti tronditës kur Ismail Morina i njohur si “Ballisti” si sot katër vite më parë lëshoi një dron në mes të stadiumit të Beogradit me mbishkrimin “Authoctonus” që shkaktoi një tronditje të madhe tek tifozët e pranishëm dhe jo vetëm.

‘Ballisti’ e ka kujtuar këtë datë me një postim në rrjetin social Facebook duke e uruar datën e sotme në tri gjuhë, shqip, anglisht dhe italisht. “Gezuar ditelindjen neve! Happy birthday to us! Buon compleanno a noi! 21:26 –14/10/2014”, shkruan Ballisti.

Pas lëshimit të dronit, situata eskaloi kur tifozët serb u futën në fushën e blertë dhe filluan të sulmojnë futbollistët kuq e zinj.

Takimi u ndërpre në ato momente dhe nuk vazhdoi më. Shqipëria fitoi 3:0 në tavolinë.