Një peshkaqen i përmasave të mëdha ka rënë në rrjetën e peshkatarëve në detin Adriatik afër brigjeve të Durrësit.

Grabitqari arrin një peshë prej 450 kg, ndërsa gjatësia e tij është të paktën 4.5 metra.

Peshkaqeni i kapur thuhet se është i llojit ‘Peshkaqen i Bardhë’ një specie e rrallë për ujërat e brigjeve shqiptare.

Ky peshkaqen është i njohur si një grabitqar shumë i rrezikshëm që mund të sulmojë edhe njerëz. Ai mund të arrijë një gjatësi deri në 6 m dhe një peshë deri në 2240 kg.

7 ditë më parë një peshkaqen Tigër u kap nga peshkatarët në zonën e qytetit të vjetër të Durrësit, që peshonte plot 500 kg.