INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
30 qershori, apeli i Metës: Shmangni provokimet, silluni me qetësi e mençuri

30 qershori, apeli i Metës: Shmangni provokimet, silluni me qetësi e mençuri

Publikuar më: 15:27 29-06-2019

Presidenti Ilir Meta u ka bërë sërish thirrje qytetarëve të respektojnë në mënyrë civile dhe demokratike vendimin e gjithsecilit gjatë ditës së nesërme. Përmes një mesazhi në “Facebook”, Meta i fton qytetarët shqiptarë të sillen me qetësi dhe mençuri si dhe të shmagin cdo lloj provokimi.

Postimi i Plotë

“Të dashur qytetarë, Përsëris thirrjen time për të respektuar në mënyrë civile dhe demokratike vendimin e gjithësecilit gjatë ditës së nesërme. Sërish ju ftoj të gjithëve të silleni me qetësi dhe mençuri! Është shumë e rëndësishme vetëpërmbajtja e gjithësecilit!

E theksoj edhe njëherë rëndësinë e jashtëzakonshmë që ka nesër ruajtja e paqes sociale. Të gjithë duhet t’i shërbejmë asaj dhe së ardhmes europiane të Shqipërisë.

Shmangni provokimet që mund t’ju çojnë drejt dhunës, në mënyrë që dallimet politike të mos cënojnë bashkëjetesën qytetare në çdo familje, në çdo lagje, në çdo fshat, në çdo qytet dhe në të gjithë shoqërinë tonë”, shkruan Meta.

 

Article Logic
Execution time: 0.0033321380615234