Pas një mungesë të gjatë në syrin e publikut sepse vendosi të mbante një profil të ulët, Elvana Gjata u rikthye vetëm 2 ditë para ditëlindjes së saj të cilën e festoi me 3 shkurt.

Por gjithashtu prej disa muajsh është përfolur për shfaqjen e një filmi ku luan me Ermal Mamaqi dhe këngëtarja Elvana Gjata dhe për disa arsye nuk do të shfaqet me 14 shkurt ashtu siç ishte planifikuar.

Mirëpo Elvana do të rikthehet të bëjë atë që di të bëjë më së miri, pikërisht të këndojë.

Pak ditë më parë u përfol se, në Ditën e Pavarësisë së Kosovës do të peformojë në Prishtinë, mirëpo nuk bëhet fjalë për një koncert në shesh, që mund ta ndjekin të gjithë fansat e këngëtares, por një koncert me “dyer të mbyllura”.

Eventi organizohet më 17 shkurt nga bashkëshortja e kryeministrit të Kosovës, Anita Haradinaj dhe do të mbahet në qendrën kulturore “Klan Kosova”.

Në ftesën e publikuar nga “iconstyle.al” jepen detaje edhe për kodin e veshjes që është formal apo veshje për koktej, ndërsa të ftuarit pas koncertit do të mund të shijojnë pije dhe ushqim në “Klan Kosova”. Në koncert duket se do të këndojë vetëm këngëtarja, ndërsa pritet të nisë pas orës 20.30.