Zayn Malik është vënë nën shënjestrën e fansave pasi i nxiti ata që të kontribuonin për të mbledhur shumën e 120 mijë paundëve për të ndihmuar shoqen e ngushtë të mamasë së tij, të sëmurë me kancer. Artisti 24 vjeçar iu drejtua 21.8 milionë ndjekësve të tij në Tëitter për të dhënë aq sa munden në mënyrë që Ayesha Butt t’i nënshtrohet një trajtimi në Stamboll që do t’i zgjaste jetën. Kjo nuk është pritur aspak mirë nga adhuruesit e tij, që e kanë kundërsulmuar në mënyrë të menjëhershme. Ata i thanë se “pse nuk e ndihmon ti” ndërkohë që i drejtoheshin me fjalët “i krimbur në para”. Zayn, i cili ka një pasuri me vlerë mbi 30 milionë paundë duket se e ka zemrën e madhe pasi kërkon ta ndihmojë mikeshën e mamasë, por jo aq sa të fusë dorën në xhepin e tij.