Wanda Nara gjithmonë shkakton bujë me deklaratat e saj.

Së fundmi ajo ka qenë në qendër të vëmendjes për shkak të rinovimit të kontratës së kapitenit Icardi me ekipin e Inter.

Ajo gjatë kohës së kaluar ishte ankuar se drejtuesit e Inter nuk e kishin takuar, ndërsa ajo ishte tepër e gatshme për këtë fakt, por mesa duket administratori i ri Marotta nuk vonuar për t’i bërë gjërat siç duhet:

“Për sa i përket Marottës, mund të them se më pëlqen, duket që është një person i sinqertë dhe këtë gjë e tregoi. Kjo është ajo që ne kemi nevojë, nuk është hipokrizi në futboll, ai të sheh në fytyrë dhe të thotë të vërtetën, në këtë botë ne nuk jemi mësuar kështu.” – tha Wanda pas takimit me të.