Rrjeti social Snpchat, përveçse përdoret për të bërë foto apo video me filtra të ndryshme si dhe për ti ndarë ato me miqtë tuaj, në Snapcaht gjeni dhe një sistem tjetër ku shfaqen materiale të ndryshme më të diskutuara nga e gjithë bota.

Snapchat është i lidhur me disa nga mediet më në zë si DailyMail, BBC, MTV, nga ku përdoruesit informohen rreth lajmeve më të diskutuara të showbizit dhe emisioneve më të ndjekura.

Së fundmi kompania e Snapchat ka njoftuar se në këtë apliakcion do të krijohet një kanal i quajtur ‘’Creator Shows, ku blogerët, vlogerët si dhe përdoruesit e tjerë mund të hedhin materiale që frymëzojnë ndjekësit.

Gjithashtu në Snapchat, po testohet një sistem i ngjashëm me Netflix, që do të shfaqë filma dhe materiale tjera filmike dhe dokumentare. 

Në fillim të kategorisë ‘’Shows’’ do të shfaqen filmat që janë më në trend si dhe më të shikuar, si dhe ata që rekomandohet ti shikoni. Ndërsa më poshtë në renditje do të shfaqen filmat që ju ka rënë interesi.

Snapchat ka konfirmuar se është duke punuar për këtë opsion, por nuk ka bërë me dije se kur do të fillojë të funksionojë.