INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS

Shkëputet nga Antarktida ajsbergu gjigant [VIDEO]

Publikuar më: 09:16 13-07-2017

Një prej ajsbergëve më të mëdhenj të regjistruar ndonjëherë është shkëputur nga Antarktida, duke krijuar një rrezik të ri për anijet që lundrojnë në kontinent.

Shkencëtarët e Universitetit te Swansea njoftojnë se ajsbergu një trilion tonësh, me një sipërfaqe prej 5800 km katrore ishte shkëputur nga akullnaja Larsen C në pjesën lindore të Antarktidës, mes 10 dhe 12 korrikut.

Ajsbergu ka qenë shumë pranë shkëputjes prej disa muajsh. Përgjatë dimrit në Antarktidë, shkencëtarët monitoruan progresin e krisjes së akullnajës përmes sateliteve të agjencisë hapësinore europiane.

Ajsbergët e mëdhenj shkëputen në mënyrë natyrore nga Antarktida, çka nënkupton se shkencëtarët nuk e lidhin dukurinë me ndryshimet klimatike që kanë ardhur si pasojë e njerëzimit.

Gjithsesi akullnajat janë pjesë e gadishullit të Antarktidës, klima e së cilës është ngrohur me shpejtësi në dekadat e fundit.

Article Logic
Execution time: 0.0033020973205566