Besa dhe reperi Elinel do të performonin live këngën e tyre “Mos M’le Me Ra” në natën finale të “The Voice”, por puna shkoi keq…shumë keq. Sapo filloi kënga u duk sikur Elinel harroi pjesë të tekstit, u nervozua duke thënë “Shit” dhe menjëherë u largua nga skena. Këngëtarja bukuroshe ka nxituar që të rregullojë situatën duke improvizuar pak rap dhe duke e ftuar që të kthehet, por Elinel nuk ka pranuar. Më pas ai ka shpjeguar gjithçka në Instagram, ku ndër të tjera i ka kërkaur falje Besës, për të cilën thotë se nuk ishte i denjë të ndante skenën me të. Në fund të ditës, në ndryshim nga çfarë thotë titulli i këngës, Elinel e la Besën të bjerë, por ajo u çua sërish me këmbët e veta.