Disa ditë më parë, fansat e Rina Balajt u merakosën pasi reperja u zhduk nga Instagram-i pa dhënë asnjë shpjegim.

Ishte motra e saj, Rudina, e cila tregoi se Rina kishte vendosur të mos ishte aktive për një kohë të caktuar për arsyet e saj personale.

Në rrjet qarkulloi lajmi se reperja kishte pasur mosmarrëveshje me menaxherin e saj, Met Elshanin, ndaj po largohej nga “On Records”.

Këtyre aludimeve u dha fund njëherë e mirë menaxheri i saj, Meti, i cili i ka mohuar të gjitha.

Por veprimi që ish-labeli bëri sot ndaj saj, me siguri nuk ka për t'i pëlqyer fare!

Profili i Rinës është hapur sërish, mirëpo këtë herë ka ndryshuar emrin.

Tashmë llogaria mban emrin e labelit ku bën pjesë reperja, “On Records”.

Faqja po përdoret për të promovuar prurjet e reja në “On Records”, ndërkohë që nuk kemi ende asnjë lajm nga Rina.