Këtë botëror '' Rusi 2018'', Uruguaji na e ka treguar të gjithëve formën e mrekullueshme në të cilën ndodhet.

Suarez dhe Cavani janë dyshja e cila po shkëlqen këtë vit.

Por pas ndeshjes së fundit, gjendja shëndetësore e Cavanit pasi u dëmtua gjatë ndeshjes së 1/8-ave kundër Portugalisë, është disi problematike.

Problematike deri në atë pikë sa mund ta bëjë thuajse të pamundur impenjimin e tij në çerekfinalen ndaj Francës.

Pikërisht kjo është përgjigjja e dalë nga testet mjekësore të realizuara nga stafi mjekësor uruguajan, që publikoi edhe një komunikatë të shkurtër për shtyp për të sqaruar gjendjen e qendërsulmuesit.