Lulzim Basha ka treguar planin e opozitës për të kundërshtuar projektligjin e qeverisë për Teatrin Kombëtar.

“Kemi plan të qartë për Teatrin Kombëtar. Ne do ta kundërshtojmë këtë projekt grabitjeje, me te cilin Edi Rama do të marrë 50% të milionave të drogës.

Së pari, do e kundërshtojmë ne seancën e 5 korrikut me të gjitha format këtë grabitje. Në çdo instancë te Kuvendit.", tha Basha

Kreu i opozitës kërkon që të njëjtën kundërshti ndaj këtij projektligji të mbajë dhe presidenti Ilir Meta, i cili sipas Bashës duhet ti vendosi veton ligjit.

'I kërkojmë presidentit që të mos bëhet pjesë dhe ti vërë veton çfarë do lloj ligji që Edi Rama dhe kupola e tij grabitqare duan të kalojnë në parlament', thekson Basha

Por nëse qeveria vijon me bindje dhe miraton projektligjin e prezantuar publikisht një ditë më parë opozita paralajmëron protesta popullore kundër tij.

'Patjetër që do protestojmë, do tiu bashkohemi qytetarëve në protestë për të ndaluar këtë grabitje" paralajmëron kreu opozitës.