Në ekranin e Top Channel më 1 Janar është transmetuar “E Diella e parë”. Nostalgji muzikore nga Top Fest ndër vite, të ftuar specialë, surpriza dhe emocione.

Teksa po këndonin dhe po festonin në studio të gjithë së bashku ishte Sinan Hoxha ai që zbuloi se duke diskutuar me Megin në tavolinë ajo kishte kërkuar që artisti të ishte në dasmën e saj.

Për këtë Sinani shtoi se:

Lajmi i vitit! Unë nuk bëj humor, ti e di që nuk bëj shaka. Megi Pojani sapo më ka rezervuar për 2026, më 12 gusht martohet.

Megi Pojani më pas pohoi: “Po, e bëra”. 

Kujtojmë që prej vitesh Megi Pojani është përfolur për një lidhje të mundshme me futbollistin e njohur Endri Çekiçi.

Ata nuk e kanë bërë vetë publike, por jo rrallë herë janë fotografuar në praninë e njëri-tjetrit. Por se sa e vërtetë është kjo deklaratë e Sinanit, mbetet për t’u parë në ditët në vijim.