Shpëton mrekullisht një pronar dyqani ushqimor në Vlorë. Pas një sherri banal në drejtim të tij një person ka qëlluar me 3 plumba në drejtim të tij.
Ngjarja është shënuar në lagjen "Pavarësia" shumë pranë universitetit “Ismail Qemali” në një zonë shumë të populluar.
Sipas burimeve nga policia e Vlorës, rreth orës 22:00 një person ka qëlluar 5 herë ndaj pronarit të një subjekti tregtar në Vlorë.
Fatmirësisht plumbat nuk e kanë kapur objektivin e të shtënave dhe nuk ka pasur të lënduar të tjerë vetëm dëme materiale.
Njoftimi i Policisë:
“Më datë 06.08.2018, rreth orës 22:00, në lagjen ''Pavarësia'', janë dëgjuar 3 të shtëna me armë zjarri (pistoletë), ku nga të shtënat paraprakisht nuk ka rezultuar të ketë persona të dëmtuar. Si rezultat i reagimit në kohë të policisë janë identifikuar autorët dhe po punohet për kapjen e tyre. Grupi hetimor ka nisur punën për dokumentimin e plotë të ngjarjes”.
Menjëherë policia ka rrethuar vendin e ngjarjes dhe më pas janë sekuestruar dhe gëzhojat dhe po punohet për të arrestuar autorin i cili është identifikuar si L.B 50 vjeç
Policia e Vlorës konfirmon se autori L.B ka dërguar një tjetër person të thërrasë pronarin e subjektit tregtar për të dalë jashtë dyqanit dhe sapo ky i fundit i është afruar pranë tij autori i është drejtuar me fjalët: “Përse më mban në gojë!”
Më pas ka qëlluar në drejtim të tij. Fatmirësisht asnjë plumb nuk ka arritur ta godasë, ndërsa të shtënat kanë krijuar panik në qytet.